ហ្វូណន មីក្រូហិរញ្ញវត្ថុ ភីអិលស៊ី ទទួលបានអាជ្ញាប័ណ្ណពីធនាគារជាតិនៃកម្ពុជាជាផ្លូវការ នៅថ្ងៃទី១១ ខែសីហា ឆ្នាំ២០១៥ ដើម្បីផ្តល់សេវាកម្មហិរញ្ញវត្ថុ ដល់ប្រជាជនកម្ពុជាទាំងនៅក្នុងរាជធានី និងទីជនបទ ជាមួយនឹង បណ្តាញប្រតិបត្តិការ ចំនួន ៥១សាខា ដោយគ្របដណ្តប់រហូតដល់កម្រិតខេត្ត និងស្រុក នៅទូទាំងព្រះរាជាណាចក្រកម្ពុជា ។ ដើម្បីឆ្លើយ តបភាពរីក ចម្រើនរបស់ខ្លួន ហ្វូណន ត្រូវការជ្រើសរើសបុគ្គលិកដែលមានសមត្ថភាពលើមុខតំណែងជា៖

ភារៈកិច្ច និងការទទួលខុសត្រូវសំខាន់ៗ
• រៀបចំកាលវិភាគនៃការចុះត្រួតពិនិត្យសាខាដែលស្ថិតនៅក្រោមការគ្រប់គ្រងរបស់ខ្លួនឲ្យបានទៀងទាត់។
• ប្រមូលនិងបូកសរុបរបាយការណ៍ស្វ័យត្រួតពិនិត្យហានិភ័យ និង តាមដានសូចនាករហានិភ័យសំខាន់ៗដែលស្ថិតនៅក្រោមការគ្រប់គ្រងរបស់ខ្លួន។
• ផ្ទៀងផ្ទាត់ឯកសារកម្ចីដែលបានជ្រើសជាមួយនឹងរបាយការណ៍ដែលសាខាបានផ្ញើមកនាយកដ្ឋានគ្រប់គ្រងហានិភ័យ។
• ត្រួតពិនិត្យភាពពេញលេញនៃការបំពេញឯកសារកម្ចី សុពលភាពនៃឯកសារ និងការអនុលោមតាមគោលការល៍ប្រតិបត្តិឥណទាន។
• ធ្វើការត្រួតពិនិត្យសាច់ប្រាក់ (Surprise Cash Count) និងផ្ទៀងផ្ទាត់ភាពត្រឹមត្រូវនៃសមតុល្យសាច់ប្រាក់នៅក្នុងទូដែក ធៀបជាមួយរបាយការណ៍សាច់ប្រាក់ប្រចាំថ្ងៃ។
• អង្កេតមើលពីភាពត្រឹមត្រូវនៃការគ្រប់គ្រងទូដែក និងសាច់ប្រាក់ ដើម្បីប្រាកដថាអនុលោមតាមគោលការណ៍។
• ណែនាំបុគ្គលិកពាក់ព័ន្ធកែប្រែចំនុចខ្វះខាតដែលបានរកឃើញឲ្យទាន់ពេលវេលា។
• អង្កេត និងរាយការណ៍ពីវប្បធម៌បុគ្គលិកក្នុងសាខាដែលអាចជាផលប៉ះពាល់សម្រាប់ប្រតិបត្ដិការសាខា។
• ត្រួតពិនិត្យព័ត៌មាននៅលើឯកសារកម្ចីដែលបានជ្រើសរើស ធៀបជាមួយទិន្នន័យដែលបានបញ្ចូលក្នុងប្រព័ន្ធ។
• ត្រួតពិនិត្យ និងអង្កេតពីភាពត្រឹមត្រូវនៃការទុកដាក់ឯកសារកម្ចី និងឯកសារទ្រព្យដាក់ធានា។
• ត្រួតពិនិត្យ និងអង្កេតពីភាពត្រឹមត្រូវនៃការកត់ត្រាលើការដក/ដាក់ឯកសារកម្ចី និងឯកសារទ្រព្យដាក់ធានា។
• ទទួលខុសត្រូវធ្វើកិច្ចការផេ្សងៗទៀត តាមការចាត់តាំង ឬតាមតម្រូវការរបស់អ្នកគ្រប់គ្រងផ្ទាល់ ក្នុងសមត្ថកិច្ចតួនាទី ។
ត្រួតពិនិត្យ តាមដាន ការវាយតម្លៃ និងការធ្វើរបាយការណ៍
• ត្រួតពិនិត្យលើការអនុវត្តទៅនឹងរបាយការណ៍ដែលបានរកឃើញពីលើកមុន។
• រៀបចំរបាយការណ៍ដែលបានរកឃើញប្រចាំខែ ប្រធានផ្នែកគ្រប់គ្រងហានិភ័យប្រតិបត្តិការ។
• រាយការណ៍ភ្លាមៗ (២៤ ម៉ោង នៃការរកឃើញ) ទៅប្រធានផ្នែកគ្រប់គ្រងហានិភ័យប្រតិបត្តិការ ករណីរកឃើញបញ្ហាណាមួយដែលមានផលប៉ះខ្លាំងហើយស្ថាប័នមិនទាន់មានវិធីសាស្រ្តកាត់បន្ថយ ឬការពារវានៅឡើយ។
ការពង្រឹងសមត្ថភាព
• ជួបប្រជុំជាមួយថ្នាក់គ្រប់គ្រងសាខានិង បុគ្គលិកដែលពាក់ព័ន្ធដើម្បីបញ្ជាក់ពីបញ្ហាដែលបានរកឃើញ និង នីតិវិធីកែតម្រូវ ដើម្បីធ្វើយ៉ាងណាកាត់បន្ថយឬ ទប់ស្កាត់បញ្ហាទំាងនោះទាន់ពេលវេលា។
• ពង្រឹងសមត្ថភាពបុគ្គលិកដែលធ្វើរបាយការណ៍គ្រប់គ្រងហានិភ័យប្រតិបត្តិការឲ្យមានជំនាញ។
• ធ្វើបច្ចុប្បន្នភាពគោលការណ៍ ឬ នីតិវិធីគ្រប់ហានិភ័យប្រតិបត្តិការដល់បុគ្គលិកដែលពាក់ព័ន្ធទំាងអស់។
សមត្ថភាពគន្លឹះទាមទារសម្រាប់តួនាទីនេះ
• ជំនាញក្នុងការបូកសរុបនិងធ្វើរបាយការណ៍
• ជំនាញក្នុងការទំនាក់ទំនង
• ជំនាញក្នុងការវិភាគលើហានិភ័យប្រតិបត្តិការ
• ការយល់ដឹងនៅក្នុងផលិតផលហិរញ្ញវត្ថុ និងទីផ្សារ
• ព័ត៌មាន និងការគ្រប់គ្រងភារៈកិច្ច
• ការកំណត់សញ្ញាណនៃបញ្ហា ដែលអាចកើតឡើងទាំងខាងក្នុងនិង ខាងក្រៅ